Кирүү
Кыргыз Республикасынын
Жогорку технологиялар паркы
Кыргыз Республикасынын Жогорку технологиялар паркы - эл аралык рынокто иштеген IT-компаниялар үчүн атайын экспортко багытталган салык режими. ЖТП резиденттерге технологиялык бизнести өнүктүрүү жана масштабдоо үчүн жеңилдетилген салык шарттарын жана институционалдык колдоо көрсөтөт.
Жаралуу тарыхы
Кыргызстан - деңизге чыгуу мүмкүнчүлүгү жок өлкө. Биздин горизонтторду ар дайым тоолор белгилеп келген. Бирок 21-кылымда жаңы океан пайда болгон - санариптик. Бул океан интернет болуп калды.
2000-жылдардын аягында Кыргызстанда маалыматтык технологиялар тармагы тездик менен өнүгө баштады Жаш адистер жана IT-компаниялар өлкө ичинде гана эмес, эл аралык рынокто да активдүү иштей башташты. Географиялык мындан ары физикалык чектер менен чектелбей калды..
Глобалдык деңгээлде атаандашуу үчүн өзгөчө шарттар керек - заманбап укуктук база жана атаандаштыкка жөндөмдүү салык чөйрөсү. Ошентип, Жогорку технологиялар паркын түзүү идеясы пайда болду - санариптик бизнес эркин жана туруктуу өнүгүүсү үчүн шарт түзүлгөн мейкиндик.
2009-жылы
Бул демилгенин практикалык ишке ашырылышы башталган. Ал эми 2011-жылдын 8-июлунда Кыргыз Республикасынын №84 «Кыргыз Республикасынын Жогорку технологиялар паркы жөнүндө» Мыйзамы кабыл алынып, анын укуктук статусу бекитилип, резиденттер үчүн иштөө шарттары аныкталган.
2012-жылы
ЖТПнын Дирекциясы түзүлүп, ишин баштаган жана институттун операциялык башкаруусу менен андан аркы өнүгүүсү камсыздалган. Ошол учурдан тартып Парк экспортко багытталган технологиялык компаниялардын өсүшү үчүн толук кандуу платформага айланган.
Жыл сайын резиденттердин саны көбөйүп, өнөктөштөрдүн географиясы кеңейип, санариптик кызматтардын экспортунун көлөмү өсүп жатты. Деңизге чыгуу мүмкүнчүлүгү жок Кыргызстан санариптик мейкиндик аркылуу глобалдык рынокко ишенимдүү чыга баштады.
Бүгүнкү күндө Жогорку технологиялар паркы - ишкерлерди, иштеп чыгуучуларды, стартаптарды жана эл аралык өнөктөштөрдү бириктирген туруктуу экосистема.
Бизде океанга чыгуу мүмкүнчүлүгү жок. Бирок бизде интернет бар - ал Кыргызстанды дүйнөгө ачат.
ЖТПнын миссиясы
Жогорку технологиялар паркынын миссиясы инновациялык бизнести өнүктүрүү үчүн натыйжалуу институционалдык чөйрөнү түзүү, технологиялык компанияларды колдоо жана Кыргызстанды эл аралык рынокто ишенимдүү IT өнөктөш катары илгерилетүү.
Максаттар
Бүгүнкү күндө Кыргыз Республикасынын Жогорку технологиялар паркы үч стратегиялык максатты алдына коёт:
Кыргызстандагы биринчи юникорн
Биз Кыргызстандагы капитализациясы 1 миллиард доллардан ашкан биринчи технологиялык компаниянын пайда болушуна умтулабыз.
Кыргызстанда 50 000 AI/ML адиси
Адам капиталы - өлкөнүн негизги ресурсу. Биз келечекте он миңдеген кыргызстандыктардын жасалма интеллект, машиналык үйрөнүү, маалыматтарды талдоо жана процесстерди автоматташтыруу тармагында иштешин каалайбыз.
2027-жылга чейин 1 миллиард доллар киреше
Санариптик кызматтардын экспорту өлкө экономикасынын негизги драйверлеринин бири боло алат. Кыргыз Республикасынын Жогорку технологиялар паркы резиденттеринин жалпы кирешесин 1 миллиард долларга жеткирүү - Кыргызстанды дүйнөлүк санариптик экономикада толук кандуу оюнчу катары бекемдөөгө карай маанилүү кадам.
Салык жеңилдиктери
Кыргыз Республикасынын Жогорку технологиялар паркы экспортко багытталган IT-компаниялар үчүн атайын салык режимин сунуштайт.
0%
Кошумча нарк салыгы (КНС)
0%
Пайда салыгы
0%
Сатуудан алынуучу салык
1%
ЖТП дирекциясына чегерүү
5%
Штаттагы кызматкерлердин киреше салыгы
Салыктарыңызды бир чыкылдатуу менен эсептеңиз
IT-компанияңыздын салык жүгүн бир чыкылдатуу менен эсептеп, шарттарды салыштырыңыз.
Эмне үчүн IT-компаниялар Кыргызстандын Жогорку технологиялар паркын тандашат?
Компанияны тез каттоо
Юридикалык жакты каттоо 3 жумуш күнүнө чейин созулат, толугу менен аралыктан жүргүзүлүшү мүмкүн жана компанияга 100% чет өлкөлүк ээлик кылууга жол берилет.
Салык жеңилдиктери
Аймактагы IT-компаниялар үчүн эң атаандаш салык режимдеринин бири. 0% КНС, 0% пайда салыгы, 0% сатуудан алынуучу салык, 5% киреше салыгы.
Туруктуу укуктук база
Кыргыз Республикасынын Жогорку технологиялар паркынын мөөнөтсүз жеңилдетилген салык режими мыйзам менен бекитилген.
Жеткиликтүү инфраструктура
Өнүккөн банк тармагы жана эл аралык эсептешүүлөрдүн ыңгайлуулугу. Айына 100 АКШ долларынан башталган ыңгайлуу кеңселер жана коворкингдер.
Жашоо жана иштөө үчүн ыңгайлуу чөйрө
Орточо жашоо наркы бир адамга айына болжол менен 500 АКШ долларын түзөт. Жумуш, эс алуу жана саякат ортосундагы баланс. Өлкөнүн 90% тоолор, 2000ге жакын көл бар.
Күчтүү IT-таланттар
Глобалдык рыноктордо иштөө үчүн тажрыйбасы жана көндүмдөрү бар IT жана AI тармагындагы тажрыйбалуу адистердин кеңири пулу.
Резидент болуу
Эгерде сиздин ишмердүүлүгүңүз санариптик чечимдерди түзүү менен байланышкан болсо жана сиз эл аралык рынокко чыгуу үчүн масштабдоону карап жатсаңыз, резиденттик шарттары менен таанышып, Кыргыз Республикасынын Жогорку технологиялар паркына кошулуу үчүн арыз бере аласыз.
Экосистема
Кыргыз Республикасынын Жогорку технологиялар паркы - IT-индустрияны өнүктүрүү үчүн толук кандуу экосистема. Билим берүү программалары, стартаптарды колдоо, илимий иштелмелерди коммерциялаштырууга көмөктөшүү жана технологиялык компаниялардын өсүшү үчүн ыңгайлуу чөйрө түзүлөт.
Комьюнити
Биздин комьюнити - Кыргызстандын IT тармагынын келечегин түзгөн адамдар. Биз компанияларды жана адистерди бириктирип, биргелешкен демилгелерди баштап, бири-бирибизди колдоп күчтөндүрөбүз. Биз ишеним, өнөктөштүк жана өнүгүү чөйрөсүн калыптандырабыз. Биздин иш-чараларыбыз иштеп чыгуучулар, ишкерлер, инвесторлор, университет өкүлдөрү жана тармак эксперттери жолугушкан жандуу кесиптик баарлашуу мейкиндигин түзөт. Биз митаптарды, конференцияларды, воркшопторду жана демо-күндөрдү өткөрөбүз, AI/ML жана IT кызматтарынын экспорту, санариптик продукттардын укуктук аспектилери жана стартаптарды өнүктүрүү сыяктуу актуалдуу темаларды талкуулайбыз.
Telegram
Whatsapp