Эл аралык илимий-практикалык конференция - Science Tech 2026

Конференция жөнүндө

Science Tech 2026 — окумуштууларды, технологиялык ишкерлерди, университеттердин, бизнестин, мамлекеттик мекемелердин жана эл аралык уюмдардын өкүлдөрүн бириктирген II Эл аралык илимий-практикалык конференция.

Конференция илимий изилдөөлөрдү экономика жана коом үчүн пайдалуу технологияларга жана практикалык чечимдерге айландырууга арналат. Бул — билим жана тажрыйба алмашуу, өнөктөштөрдү табуу жана илимий коомчулук менен технологиялык сектордун кызматташтыгын чыңдоо аянтчасы.

Негизги багыттар

Дисциплиналар аралык изилдөөлөр жана жасалма интеллект
Илимий жана технологиялык маселелерди чечүү үчүн мамлекеттин, университеттердин, академиялык илимдин жана бизнестин кызматташтыгын өнүктүрүү.

Илим жана бизнес: изилдөөдөн инновацияга
Илимий иштеп чыгууларды коммерциялаштыруу, технологияларды трансферлөө, DeepTech багытын өнүктүрүү жана илимий изилдөөлөрдүн негизинде технологиялык компанияларды түзүү.

STEM-билим берүү — технологиялык өнүгүүнүн пайдубалы
Окумуштуулардын, инженерлердин, иштеп чыгуучулардын жана технологиялык ишкерлердин жаңы муунун даярдоо.

Туруктуу өнүгүү үчүн жасалма интеллект жана келечектин технологиялары
Экономикалык, социалдык жана экологиялык маселелерди чечүүдө алдыңкы технологияларды колдонуу.

Конференциянын программасы

Программа Кыргызстандан жана башка өлкөлөрдөн келген эксперттердин баяндамаларын, 30дан ашык илимий эмгектин бет ачарын жана технологияларды бизнесте, билим берүүдө, саламаттык сактоодо жана мамлекеттик башкарууда практикалык колдонуу боюнча талкууларды камтыйт.

Илимий стартаптарды колдоого, ата мекендик жасалма интеллект продуктуларын иштеп чыгууга, университеттер менен бизнестин өнөктөштүгүн чыңдоого жана жасалма интеллектти жоопкерчиликтүү пайдаланууга өзгөчө көңүл бурулат.

Эл аралык кызматташтык

Science Tech 2026 Кыргызстандын, Борбордук Азиянын жана дүйнөнүн башка аймактарынын өкүлдөрүн бириктирет. Конференция тажрыйба алмашууга, биргелешкен илимий-изилдөө долбоорлорун иштеп чыгууга жана илимий, билим берүү жана технологиялык уюмдардын ортосундагы байланыштарды чыңдоого мүмкүнчүлүк түзөт.

2025-жылы башталган демилгени улантуу менен Science Tech илим жана инновациялар жаатында узак мөөнөттүү кызматташтыкты өнүктүрүүгө өбөлгө түзөт.

Өтүү күнү жана орду

Күнү: 2026-жылдын 18-сентябры
Өтүүчү жай: U Nexus Hub
Дареги: Кыргызстан, Бишкек шаары, Чүй проспекти, 255

Уюштуруучулар

• Кыргыз Республикасынын Жогорку технологиялар паркы
• Кыргыз Республикасынын Улуттук илимдер академиясы
• Кыргызстан Эл аралык университети
• AI Academy Жасалма интеллект академиясы