Кирүү
Кыргызстандык окуучулар жасалма интеллект боюнча эл аралык IOAI 2026 олимпиадасында «алтын» жана «күмүш» жеңип алышты
Кыргызстандын курама командасы жасалма интеллект боюнча III эл аралык олимпиадада (IOAI 2026) ийгиликтүү өнөр көрсөтүп, алтын жана күмүш медалдарды, ошондой эле ардак грамотаны жеңип алды.
Кыргыз Республикасынын Билим берүү жана илим министрлигинде билдиргендей, интеллектуалдык мелдеш 2026-жылдын 2-августунан 8-августуна чейин Астанада (Казакстан) өттү. Ага дүйнөнүн 106 өлкөсүнөн 400дөн ашуун окуучу катышты.
Кыргызстандык катышуучулардын жыйынтыктары
- Ян Бобрус (10-класс, «Газпром Кыргызстан» мектеби) — алтын медаль;
- Сабыр Алымбеков (10-класс, «Мааарип» БК) — күмүш медаль;
- Айвар Тынчтыкбеков (9-класс, «Акылман» президенттик мектеби) — ардак грамота;
- Аруке Сулайманова (11-класс, № 6 ЖОМ) — олимпиаданын катышуучусу.
Турнирдин жыйынтыгы боюнча Кыргызстандын улуттук курамасы жалпы командалык эсепте 15-орунду ээлеп, мыктылардын катарына кирди.
Команданын жетекчилери болуп Исхак Тажибаев, Мамат Ишматов жана Артем Беляев чыгышты. Окуучуларды даярдоону ошондой эле Матвей Низовский, Айдин Асанкадыров жана Акниет Кенжегулов тренерлер жүргүзүштү.
Маалымат
Жасалма интеллект боюнча эл аралык олимпиада (IOAI) - мектеп окуучулары үчүн мелдеш, анын алкагында катышуучулар машиналык окутуу, маалыматтарды талдоо жана ИИ моделдерин иштеп чыгуу боюнча тапшырмаларды чечишет.
